Haxhiu ia kujton Thaçit kur para dy viteve thoshte se brenda 24 orëve liberalizohen vizat

Deputetja e Lëvizjes Vetëvendosje Albulena Haxhiu, i ka kujtuar presidentit të vendit Hashim Thaçit, kur ai para dy viteve kishte deklaruar se Kosova do ta merrte liberalizimin e vizave brenda 24 orëve, shkruan Insajderi.

Haxhiu ka publikuar një lajm ku Thaçi pretendonte se vizat do të merren brenda 24 orëve. Ajo ka thënë presidenti është tallur me qytetarët për këtë temë me vite të tëra.

“Tashmë vizat janë liberalizuar disa herë që prej se ka deklaruar Thaçi. Ai ka vite që tallet me qytetarët e Kosovës në këtë drejtim, por deklarata më e prerë e tij ka qenë para dy vitesh”,

Ajo ka thënë se fal tekeve të Thaçit Kosova ka tokë më pak.

“Sipas tij, për 24 orë do të merrnim lajmin për vizat. Kanë kaluar 24 orë, 24 muaj dhe ne sot i kemi 80 km2 më pak territor falë tekes së tij për të nënshkruar dy herë për këtë”, ka shkruar Haxhiu në Facebook.

https://web.facebook.com/photo.php?fbid=1803439339726849&set=a.524198150984314.1073741825.100001824020047&type=3&theater